ანსამბლი "ჯიჯიელები"

🎭 ისტორია

როგორ დაიწყო ეს ყველაფერი?
დასავლეთ საქართველოში, ქალაქ ზუგდიდში, შეიქმნა უნიკალური საგანმანათლებლო სივრცე — გიმნაზია GG. მისი დამფუძნებელი — ჯიმშერ ღურწკაია — არა მხოლოდ პედაგოგია, არამედ ადამიანი კულტურის ღრმა წვდომით. სწორედ აქ გაჩნდა იდეა შეექმნათ შემოქმედებითი კოლექტივი, რომელიც აღადგენდა და პოპულარიზაციას გაუწევდა კოლხეთის მუსიკალურ ტრადიციებს.
💡 ანსამბლის დაბადების დღე — 2016 წლის 6 ივნისი.
სწორედ ამ დღეს დამტკიცდა დებულება ფოლკლორული ანსამბლის, „ჯიჯიელების“ შექმნის შესახებ.
🔥 წევრების შერჩევა: 200-ზე მეტი მონაწილე!
კონკურსის გამოცხადებისთანავე მასში მონაწილეობა მიიღო 200-ზე მეტმა ნიჭიერმა შემსრულებელმა მთელი დასავლეთ საქართველოდან. შერჩევას ხელმძღვანელობდა თავად დამფუძნებელი — ბატონი ჯიმშერი. კრიტერიუმი მარტივი, მაგრამ მკაცრი იყო: ✨ „მაყურებელში „ჟრუანტელის“ გამოწვევის უნარი“. საუკეთესოთაგან შეირჩა 14 არტისტი:
→ 4 ვოკალისტი
→ 10 მოცეკვავე
ასე დაარსდა უნიკალური, ქართული სიმღერისა და ცეკვის ფოლკლორული ანსამბლი — „ჯიჯიელები“.

🎶 რეპერტუარი და სტილი
პროგრამის საფუძველი შეადგინა:
• საქართველოს ხალხურმა სიმღერებმა
• ტრადიციულმა მელოდიებმა
• ქორეოგრაფიამ ავტორისეული, კოლორიტული სტილით.

"ჯიჯიელებმა", პირველი პროგრამა მაყურებელს წარუდგინეს 2016 წლის 5–7 ოქტომბერს, საკუთარ "მოედანზე", ჯიჯის ივენთ-დარბაზში.
3-ღიანი კონცერტები ხრული ანშლაგებით ჩატარდა — მაყურებელი პატარა არტისტებს ფეხზე მდგომი ესალმებოდა და მქუხარე აპლოდისმენტებით აჯილდოვებდა.
🏆 პროფესიონალმა ხელმძღვანელებმა გზა გაუხსნეს ახალგაზრდა კოლექტივს!
🌍 გზა დიდებისკენ: ფესტივალები, გასტროლები, გრან-პრი
ანსამბლმა სწრაფად მოიპოვა აღიარება:
• მონაწილეობა პრესტიჟულ ფესტივალებში როგორც საქართველოში, ისე მის ფარგლებს გარეთ
• მუდმივი გამარჯვებები — გრან-პრი ყველა ნომინაციაში
• ყოველდღიურმა რეპეტიციებმა და ინტენსიურმა გასტროლებმა თითოეული მონაწილე უფრო მაღალი კლასის პროფესიონლად აქცია.
ნორჩი არტისტები ძველი ქართული ტრადიციების ღირსეულ გამგრძელებლებად იქცნენ — ტემპერამენტიანები, გულწრფელები და სცენის შესანიშნავად მცოდნეები.

👥 გუნდი „ჯიჯიელები“
დამფუძნებელი: ჯიმშერ ღურწკაია
• არტ-დირექტორი — თამარ ლატარია
• სამხატვრო ხელმძღვანელი — ნანა ნოდია
• ქორეოგრაფი — ელგუჯა მამალაძე
• დამდგმელი რეჟისორი — ლალი ლატარია
• ხმის რეჟისორი და კომპოზიტორი — ლაშა თოდუა

ანსამბლის წევრები:
ვოკალი:
• თიკო თოდუა • მარიამ აბშილავა (შეცვალა თათია გაბელიამ)• მარიამ ღულათავა • მარიამ არჩაია
ცეკვა:
• გიგი ბუკია • გიორგი შურღაია • ლევან ბებურია • ირაკლი ფაჩულია • საბა ბუკია • კახა ლაგვილავა • ლუკა სვირავა • ლუკა ფარცვანია • თამარ კორკელია • ხატია ბარამია

„ანსამბლ „ჯიჯიელების“ პირველი "სასტავი" უკვე გაიზარდა. ზოგიერთი უკვე ოჯახის პატრონები არიან და იმედია, რომ თავიანთ შვილებსაც გადასცემენ ხელოვნების სიყვარულს.

პირველი „ჯიჯიელები“ ნოსტალგიით იხსენებენ თავიანთ ბავშვობას: ანშლაგები, ოვაციები, ყვავილები, ინტერვიუები და უამრავი სამოგზაურო თავგადასავალი... ეს პერიოდი მათთვის ნამდვილ ცხოვრებისეულ სკოლად იქცა. არ არის გასაკვირი, რომ „ჯიჯის“ სცენამ ბევრ მათგანში ხელოვნებისადმი სიყვარული გაუღრმავა და პროფესიულ არჩევანადაც გადაუქცია.“

ჯიჯი შემოგევლოთ პირველებო! წარმატებები!

📸 ფოტოანგარიში