როგორ მოვამზადოთ ბავშვი ჯიჯი- ბაღში წასასვლელად?

ნაბიჯ-ნაბიჯ ინსტრუქცია მშობლებისთვის

1. ფსიქოლოგიური მომზადება: „არაფერი უცხო"

• დაიწყეთ წინასწარ: 2-3 თვით ადრე დაიწყეთ ბაღზე საუბარი. ყოველდღე ესაუბრეთ იმაზე, თუ რა ელის ბავშვს: ვინ დახვდება, რას ითამაშებს, რას ისწავლის.
• გაცნობითი ტურები: რამდენჯერმე (3-4 ჯერ მაინც) მიიყვანეთ ბავშვი საბავშვო ბაღთან. აჩვენეთ შენობა, ეზო, სათამაშო მოედანი. შეეცადეთ გააცნოთ აღმზრდელი. ამით ბაღი „უცხო გარემოდან" „ნაცნობ ადგილად" გადაიქცევა.
• როლური თამაშები: სახლში ითამაშეთ თოჯინებით. ერთი იყოს „აღმზრდელი", მეორე – „ბავშვი". განიხილეთ სიტუაციები: „რა ვქნათ, თუ მოგწყურდა?", „რა ვქნათ, თუ მეგობარმა სათამაშო წაგართვა?". თამაში ინფორმაციის მიღების საუკეთესო გზაა.

2. ემოციური უსაფრთხოება: „დედა ყოველთვის ბრუნდება"

• „მე და შენ" კონტაქტი: ხაზი გაუსვით, რომ ბაღში სიარული თქვენს ურთიერთობას არ ცვლის.
• სწორი ფორმულირება: არასდროს თქვათ „დაგტოვებ" ან „აღარ მოვალ". ამის ნაცვლად, ყოველი განშორების აღწერა დაასრულეთ სიტყვებით: „...და საღამოს ისევ ერთად ვიქნებით".
• მაგალითი: „შენ ბაღში წახვალ, ითამაშებ, გაიცნობ ბავშვებს, მე კი სამსახურში წავალ, და საღამოს ისევ ერთად ვიქნებით".
• თვითღირებულება: ბავშვმა უნდა იგრძნოს, რომ ის მნიშვნელოვანია და ბაღში არ იმიტომ მიჰყავთ, რომ „თავიდან მოიშორეს", არამედ იმიტომ, რომ ეს მისთვის სასარგებლო და საინტერესოა.

3. რეჟიმისა და კვების ადაპტაცია

• დროის გრაფიკი: ბოლო 2 თვის განმავლობაში, ნელ-ნელა დაუახლოეთ ბავშვის დღის რიტმი ბაღის რეჟიმს (გაღვიძება, ძილი, კვება).
• კვება: ეცადეთ, ბავშვი მიაჩვიოთ იმ ტიპის საკვებს, რაც ბაღშია (ფაფა, წვნიანი და ა.შ.), რათა მენიუ მისთვის უცხო არ იყოს.

4. პირველი დღეები: გერმანული მოდელი

1. ერთად ყოფნა: პირველ ორ დღეს მშობელი რჩება ბაღის ეზოში, უხილავ სივრცეში რამოდენიმე საათი.. ბავშვი დედის პრიზმაში აღიქვამს სამყაროს; თუ დედა ახლოსაა, ბავშვიც მშვიდდება.
2. თანდათანობითი დაშორება: როცა ბავშვი ჩაერთვება თამაშში, მშობელი უნდა გავიდეს.
3. დაკვირვება: თუ ბავშვი ტირის, მაგრამ თქვენი წასვლიდან 5-10 წუთში წყნარდება და თამაშობს – პროცესი ნორმალურად მიდის.
4. გაჩერების ნიშნები: თუ ბავშვი არ ჩერდება, დათრგუნულია, არ თამაშობს, სახლში კი აქვს ძილის დარღვევა, მადა დაკარგულია ან განვითარდა ენურეზი/ენკოპრეზი – ადაპტაცია ვერ ხერხდება. ასეთ შემთხვევაში, მაქსიმუმ 2 თვის შემდეგ, ბავშვი ბაღიდან უნდა გამოიყვანოთ და სცადოთ 6 თვის შემდეგ. წინააღმდეგ შემთხვევაში, შესაძლოა ფსიქოემოციური დარღვევა განუვითარდეს.

5. მშობლის როლი და შეცდომები, რომლებიც უნდა აირიდოთ

• იყავით მშვიდი: თქვენი სიმშვიდე ადაპტაციას აჩქარებს.
• აკრძალული ფრაზები: არასდროს თქვათ: „დამღალე", „თავი ამატკივე", „აღარ შემიძლია", „დაგტოვებ". ეს ზრდის შიშს და იწვევს ნევროზებს.
• წახალისება: შეაქეთ ბავშვი დამოუკიდებლობისთვის: „შენ შეძელი ჭამა/თამაში, მე შენით ვამაყობ".
• სახლში დაბრუნება: ბაღის შემდეგ დრო ერთად გაატარეთ, გაესაუბრეთ შთაბეჭდილებებს, გაისეირნეთ.

თქვენი "ჯიჯი"!

სწავლა "ჯიჯი-ბაღში"

ერთად ვსწავლობთ და ვმხიარულობთ!

🌈✨ჩვენს გაკვეთილებზე ბავშვები:

🗣️ სწავლობენ ჯგუფში საუბარსა და თამაშს

🤝 იძენენ ახალ მეგობრებს

💭 თამამად გამოხატავენ საკუთარ აზრებსა და ოცნებებს და რა თქმა უნდა, ვეუფლებით სასარგებლო ცოდნასაც: 🇬🇧 უცხო ენის საფუძვლებს – სიმღერებითა და თამაშებით!

🔢 მათემატიკას – საინტერესო ამოცანებითა და თავსატეხებით!

🏃 ფიზიკურ ვარჯიშებს – მხიარული ენერგიითა და მოძრაობით!

ყველაფერი ეს – თამაშის ფორმატში, სიყვარულითა და მხარდაჭერით! 🎈🎨🎭

საცდელი დღე „ჯიჯი-ბაღში“ – დარწმუნდით, სანამ გადაწყვეტთ

💰 საფასური: 30 ₾

(ფიქსირებული თანხა, მიუხედავად ბაღში ყოფნის ხანგრძლივობისა)

📅 წინასწარი ჩაწერა აუცილებელია.

ჯიჯი - ბაღი - მსოფლიოში ცნობილი, ჯიჯი-გიმნაზიის შვილობილი საგანმანათლებლო სივრცეა, რომელიც უზრუნველყოფს თანამედროვე რესურსებს, მეთოდოლოგიურ მხარდაჭერას და გლობალურ საგანმანათლებლო ქსელთან ინტეგრაციას.